ტერენტი გრანელი – დაბრუნება სოფელში
December 14, 2014 § Leave a comment
ახლა არის ივნისი, ახლა გვიან ღამდება.
მაგონდება ბავშვობა, – ეს ცა მაშინ სხვა იყო.
ამ მაღლობზე ველოდი ქრისტეს გამოცხადებას,
მერე თეთრმა სიჩუმემ ის იმედი წაიღო.
ახლა დედის აჩრდილი დებს და მამას მაბარებს
(ახლა უფრო ხშირია დარდი და უძილობა).
მზერას მტაცებს საყდარი. ველზე გათხრილ სამარეს
ვაკვირდები შორიდან, როგორც მიწის ჭრილობას.
ახლა იქნებ ჭორებიც მომედება ტალახად:
მე ხომ ბედმა გამრიყა, თანაც მტანჯავს ციება.
ახლა ჩემში ძნელია გენიოსის დანახვა,
ახლა ჩემში გაკილვა ყველას ეპატიება.
თუმცა თვალებს ცეცხლიანს არ ეტყობათ დაღალვა,
ვიცი, გაფითრებული ვგავარ შემოღამებას.
ნიჭმა ვეღარ მიშველა, როგორც ზეცამ მაღალმა, –
არ თავდება ვარამი და იობის წამება.
ახლა მინდა ამ მზეში იმედები გახშირდეს
(თუმცა რაა იმედი? – წამიერი ფარ-ხმალი).
მელანდება სიკვდილი და სოფელი მამშვიდებს,
ჩემი ტკბილი ოცნების ლურჯი ნამოსახლარი.
Terenti Graneli – Dabruneba Sofelshi
ტერენტი გრანელი – დაბრუნება სოფელში
ტერენტი გრანელი – სიშორეზე
December 14, 2014 § Leave a comment
ახლა შენს საფლავს ხომ ნელა ათოვს
და ჩემი გრძნობა ლექსში იღვრება.
სადღაც წევს ქალი მიწასთან მარტო,
მას ახლო გველი თუ ესიზმრება.
გაქრა წარსულის შავი ხაზები
და სადღაც ქალზე ელავს ოცნება.
და საუბრობდნენ შორს ვიღაცეები
და ბოლოს დარჩა უსიამოვნება.
ღამეს ამნაირს წამება მოსდევს
და სადღაც ქალი გადის ეზოდან.
ალბათ ვიღაცას იქ ეძახოდნენ
და ეს ძახილი მე არ მესმოდა.
ახლა სადღაც შორს თეთრი ნისლი დგას,
მე გამიტაცეს ძველმა ფიქრებმა.
ისევ იცვლება გული სისხლისგან
და ჩემი გრძნობა ლექსში იღვრება.
ტერენტი გრანელი – "ცისფერია ფიქრი წმინდა"
December 14, 2014 § Leave a comment
ტერენტი გრანელი – "კვიპაროსს არხევს ქარი ფერდობთან"
December 14, 2014 § Leave a comment
კვიპაროსს არხევს ქარი ფერდობთან,
და ჩემი სისხლი ნელა ილევა.
და წვიმიან დღის უიმედობა,
და წვიმიან დღის განწყობილება.
იქ სხვა გულია, ეს გული მე მაქვს,
და ჩემი სისხლი ნელა ილევა.
და წვიმიან დღის მწუხარე თვლემა,
და წვიმიან დღის განწყობილება.
და გულს დაეტყო გამოცოცხლება,
ძვირფასო, სისხლი ნელა ილევა.
და წვიმიან დღის ჩუმი ოცნება,
და წვიმიან დღის განწყობილება.
Terenti Graneli – Kvipaross Arxevs Qari Ferdobtan
ტერენტი გრანელი – კვიპაროსს არხევს ქარი ფერდობთან
ტერენტი გრანელი – უიმედო დაბრუნება
December 14, 2014 § Leave a comment
რა გულმოკლული მივალ ოთახში,
ღმერთო! რანაირ ბინაზე მივალ.
დღესაც მწუხარე ვიყავი ბაღში,
ახლა ქარია, მახსოვხარ, მცივა.
მივალ, დამხვდება მკვდარი ქალივით
ჩემი ლოგინი, თითქო სოველი.
მე მოვალ მალე ღამენალევი,
როგორც თვალები, ცრემლის მთოველი.
მიდის ფარული ეს გამწარება,
ვეძებ თანამგრძნობ მეგობრის ხელებს.
ჩემს გულისწყრომას, ჩემს აღსარებას
მე ვეუბნები ოთახს, სიბნელეს.
გაივლის ღამე – სამარე სულის,
ო, მიხარია ეს გათენება.
და გავალ მზეზე მე მოქანცული,
როგორც სიზმარი და მოჩვენება.
Terenti Graneli – Uimedo Dabruneba
ტერენტი გრანელი – "ეს მაღალი ჩინარი"
December 14, 2014 § Leave a comment
ასე რისთვის დამტოვე.
Terenti Graneli – Es Magali Chinari
ტერენტი გრანელი – ფანტასტიკური ღამე
December 14, 2014 § Leave a comment
უტეხი ტევრი და სპეტაკი ნიამორები.
Terenti Graneli – Fantastikuri Game
ტერენტი გრანელი – "ისევ მაღალ ცას ვეთაყვანები"
December 14, 2014 § Leave a comment
და ქარიშხალი შენ გულს გინთებდა,
ტერენტი გრანელი – ღამის მოუსვენრობა
December 14, 2014 § Leave a comment
Terenti Graneli – Gamis Mousvenroba
ტერენტი გრანელი – "ახლა ღამეა, – სისხლის გაშრობა"
December 14, 2014 § Leave a comment
და მინდა ყველამ რომ დამივიწყოს.
Terenti Graneli – Axla Gamea, – Sisxlis Gashroba