თემურ ჩხეტიანი – მსხმოიარენი
December 7, 2012 § Leave a comment
დაისხა და როგორ დაისხა! – ვეღარ გაუძლო –
ერთი დიდი, ლამის მთელი ხის ტოლი ტოტი,
ჩამოეხლიჩა.
ნაყოფი კი ჯერ მკვახე იყო,
არ იჭმებოდა –
მეზობელმა გამოკრიფა – ღორისთვის წავიღებო.
ცოტა ხნის მერე
თითქმის ასე მოუვიდა
ახალგაზრდა, ჭიშკართან მდგარ აყლარწულ ქლიავს:
მაგრად ესხა, მასაც ტოტი ჩამოელეწა.
ქლიავები შეთვალული კი იყო, მაგრამ
საჭმელად და სასიამოდ ცოტაოდენი გამოირჩა –
ბევრი არ ვარგოდა…
მე კი როგორც მეწლეური ხე, წელს ისე ვარ –
მსუბუქად ვარ
და ალბათ ბევრიც გაიფიქრებს:
არაფერი არ ამძიმებსო.
ჰო, მსუბუქად ვარ –
იმ ხეების საფრთხე ალბათ არ მემუქრება –
წელს მე ლექსებიც ვეღარ მოვისხი.
თემურ ჩხეტიანი – მამას დაბადების დღე
December 7, 2012 § Leave a comment
თემურ ჩხეტიანი – გაცილება
December 7, 2012 § Leave a comment
ზაფხულმა ხელი გადაჰხვია აგვისტოს და ერთად წავიდნენ.
დავრჩი და თვალი გავაყოლე, მერე შევბრუნდი,
სახლში შევბრუნდი და ღიმილი არ მშორდებოდა.
მერე სუფრა ავალაგე,
ავალაგე და ჭურჭელს ვრეცხავდი;
ვრეცხავდი ჭიქებს, დანა-ჩანგალს, თეფშებს ვრეცხავდი,
ვრეცხავდი და ისევ ისე მეღიმებოდა…
თეთრ ნიჟარაში
ონკანიდან მომდინარე წყალი ზღვასავით
ხმაურობდა და ლოყაზე ცრემლი
ჩამომიგორდა მარგალიტივით.
თემურ ჩხეტიანი – კითხვა
December 7, 2012 § Leave a comment
ჩემი ასაკის ადამიანები;
როდესაც ვხედავ, როგორ მიდის ცარიელ შარაზე ფეხარეული ლანდი
და მესმის,
როგორ იკურთხება ის ღამეში ლამის ყველა მიმართულებით;
როცა ახალგაზრდა, ლამაზი ქალისგან მიყურებს სიმარტოვე
და მესმის მისგან ნათქვამი:
„ თითქოს ყოველღამ სიკვდილთან ვწვებიო“;
როდესაც ყურს მჭრის ყელში გულმობჯენილი ბიჭის სიტყვები:
„მათ უნდათ, რომ ჩვენი თაობაც
ამ წუმპეში ჩაახრჩონო“;
და, როცა სრულიად ბავშვი – გოგონა – მეუბნება:
„ძია თემურ, თუ შეიძლება,
თქვენს მხარზე ჩამოვდებ თავს და ვიტირებო“,
არ შემიძლია, არ ამოვიოხრო
და უმისამართოდ არ ვიკითხო:
„ – როდის მივაღწევთ დანიშნულების ადგილამდე ?..“
თემურ ჩხეტიანი – ყანა, ვენახი, ძროხა…
December 7, 2012 § Leave a comment
თემურ ჩხეტიანი – მთქნარება
December 7, 2012 § Leave a comment